ກ່ອນໜ້ານັ້ນ, ວັນທີ 26 ສິງຫາ, ກະຊວງປ້ອງກັນປະເທດ ອາເມລິກາ ໄດ້ສະແດງຄວາມວິຕົກກັງວົງຢ່າງເລິກເຊິ່ງກ່ຽວກັບ “ການແຊກແຊງທີ່ມີລັກສະນະບັງຄັບ” ຂອງ ຈີນ ສຳລັບການເຄື່ອນໄຫວຂຸດຄົ້ນນ້ຳມັນອາຍແກັດ ທີ່ຍືນຍົງຄົງຄົວມາແຕ່ດົນແລ້ວຂອງ ຫວຽດນາມ ຢູ່ທະເລຕາເວັນອອກ, ກໍ່ຄືບັນດາການກະທຳຢ່າງລຽນຕິດຂອງ ຈີນ ທີ່ລະເມີດຄວາມເປັນລະບຽບຮຽບຮ້ອຍສາກົນ ໂດຍອີງໃສ່ບັນດາຫຼັກການຢູ່ພາກພື້ນມະຫາສະໝຸດ ອິນເດຍ ແລະ ປາຊີຟິກ.
ຖະແຫຼງການໃຫ້ຮູ້ວ່າ: ບັນດາການກະທຳຂອງ ຈີນ ໄດ້ໄປຝືນກັບວິໄສທັດຂອງ ອາເມລິກາ ກ່ຽວກັບພາກພື້ນມະຫາສະໝຸດ ອິນເດຍ ແລະ ປາຊີຟິກ ເສລີພາບ ແລະ ເປີດອົກເປີດໃຈ, ໃນນັ້ນ ບັນດາປະເທດໃຫຍ່, ນ້ອຍທັງໝົດໄດ້ຮັບປະກັນມີອະທິປະໄຕ, ບໍ່ຖືກບັງຄັບ ແລະ ສາມາດເດີນຕາມການເຕີບໂຕເສດຖະກິດໃຫ້ເໝາະສົມກັບຂໍ້ກຳນົດ ແລະ ມາດຕະຖານສາກົນ ເຊິ່ງໄດ້ຮັບການຮັບຮອງເອົາ.