ກອງປະຊຸມສຳມະນາກ່ຽວກັບສະພາບການທະເລຕາເວັນອອກ

ທ່ານ Alain Obadia, ປະທານກອງທຶນ Gabriel Peri ໃຫ້ຮູ້ວ່າ:

        ພວກຂ້າພະເຈົ້າໄດ້ຕິດຕາມສະພາບການຢູ່ທະເລຕາເວັນອອກຢ່າງໃກ້ຊິດ, ຍ້ອນວ່າ ນີ້ແມ່ນ ພາກພື້ນທີ່ມີຄວາມສະດຸ້ງໄວທີ່ສຸດຕໍ່ໂລກເວົ້າລວມ. ການຄ້າຂາຍທາງທະເລຂອງໂລກ ເກືອບ 50%ແມ່ນໄປຜ່ານພາກພື້ນນີ້. ດ້ວຍທ່າອ່ຽງຄົ້ນຄ້ວາຂອງຕົນ, ພວກຂ້າພະເຈົ້າຕັດສິນໃຈຊອກຮູ້ກ່ຽວກັບບັນຫານີ້ຢ່າງເລິກເຊິ່ງກ່ວາອີກໃນບັນດາແງ່ມູມທັງໝົດຄື: ນິຕິກຳ, ເສດຖະກິດ, ສິ່ງແວດລ້ອມ ແລະ ປະຫວັດສາດ. ພວກຂ້າພະເຈົ້າຄິດວ່າ ບັນດາຂໍ້ມູນຂ່າວສານເຊິ່ງພວກຂ້າພະເຈົ້າຍົກອອກມາອາດຈະປະກອບສ່ວນເຂົ້າໃນການພັດທະນາບັນດາບັນຫາທີ່ພວມວາງອອກຢ່າງສັນຕິວິທີ.

        ທີ່ກອງປະຊຸມສຳມະນາ, ບັນດານັກຄົ້ນຄ້ວາ ຢັ້ງຢືນວ່າ ການຂັດແຍ່ງກັນທັງໝົດຢູ່ທະເລຕາເວັນອອກລ້ວນແຕ່ຕ້ອງໄດ້ຮັບການແກ້ໄຂໂດຍອີງໃສ່ກົດໝາຍສາກົນ. ທະເລຕາເວັນອອກແມ່ນເຂດທະເລສາກົນ, ຕ້ອງຮັບປະກັນສິດເສລີໃນການເດີນເຮືອ ແລະ ການບິນ ຢູ່ ເຂດນີ້. ຄຽງຄູ່ກັນນັ້ນ, ທະເລຕາເວັນອອກກໍ່ແມ່ນເຂດມີລະບົບຊີວະນາໆພັນ, ບັນດາປະເທດ ທີ່ມີອະທິປະໄຕຢູ່ ທະເລຕາເວັນອອກ ແລະ ບັນດາປະເທດທັງໝົດທີ່ມີການເຄື່ອນໄຫວໃນພາກພື້ນ ມະຫາສະມຸດອິນເດຍ - ປາຊີຟິກຕ້ອງມີບັນດາມາດຕະການເພື່ອແນໃສ່ປົກປັກຮັກສາສິ່ງແວດລ້ອມ ແລະຂຸດຄົ້ນບັນດາແຫຼ່ງສິນທະເລແບບຍືນຍົງຢູ່ເຂດທະເລນີ້.

        ບັນດານັກຄົ້ນຄ້ວາກໍ່ເນັ້ນໜັ້ກເຖິງຄວາມສຳຄັນຂອງການຮ່ວມມືລະຫວ່າງບັນດາປະເທດ ອາຊຽນ ແລະ ຈີນໃນການຮັບປະກັນຄວາມໝັ້ນຄົງລວມໃນພາກພື້ນ ທະເລຕາເວັນອອກ ແລະ ມະຫາສະມຸດອິນເດຍ - ປາຊີຟິກ, ພ້ອມທັງຢັ້ງຢືນເຖິງເລື່ອງບັນດາປະເທດໃນໂລກ, ໃນນັ້ນມີຝລັ່ງ, ມີໜ້າຢູ່ທະລາຕາເວັນອອກ ຈະປະກອບສ່ວນເຂົ້າໃນການຮັບປະກັນຄວາມໝັ້ນຄົງລວມ, ກໍ່ຄືຮັບປະກັນສິດເສລີໃນການເດີນເຮືອ  ແລະ ການບິນ ຕາມກົດໝາຍສາກົນ.

        ຮວຽນດຽບ - ນັກຂ່າວ VOV ປະຈຳຝລັ່ງ