Rough Guides ແມ່ນສຳນັກພິມປື້ມທ່ອງທ່ຽວ, ວາລະສານທ່ອງທ່ຽວທີ່ມີຊື່ສຽງໃນໂລກມີສຳນັກງານຕັ້ງຢູ່ອັງກິດ. ວາລະສານໄດ້ຕີລາຄາ ອາຫານການກິນຫວຽດນາມ ມີຄວາມແຕກຕ່າງກັນຫຼາຍ, ເປັນໜ້າຈື່ຈຳ ແລະ ແມ່ນບັນດາເຍື່ອງອາຫານທີ່ແຊບນົວທີ່ສຸດຢູ່ອາຊີຕາເວັນອອກສຽງໃຕ້. ຈາກບັນດາຮ້ານກິມດື່ມຢູ່ຕາມທາງຕະຫຼອດຮອດບັນດາພັດຕະຄານ ຫຼູຫຼາ, ບັນດາເຍື່ອງອາຫານຫວຽດນາມທີ່ແຊບນົວ ຍາມໃດກໍ່ປະກົດຕົວດ້ວຍລົດຊາດຄົບທຸກຊະນິດ. ຕໍ່ໄປນີ້, ພວກເຂົາຂໍແນະນຳ 9 ເຍື່ອງອາຫານເຊິ່ງແຂກທ່ອງທ່ຽວບໍ່ຄວນພາດໂອກາດຮັບປະທານເມື່ອມາຢ້ຽມຢາມ ຫວຽດນາມ:

ແໜມກວນໄດ້ຮັບການຕີລາຄາສູງເຖິງວ່າຢູ່ບໍ່ວ່າເຂດໃດໆ. ແໜມກວນ ຖືກເຮັດດ້ວຍເຂົ້າຂຽບພັນ ພ້ອມກັບຜັກຫອມຫຼາຍຊະນິດ, ພ້ອມກັບຕົ້ນຊີ້ນ, ກຸ້ງ…

ເຂົ້າຈີ່ແມ່ນອາຫານທີ່ຍອດຍິ່ງເຊິ່ງຖືກຂາຍຢູ່ຕາມທາງ, ຝລັ່ງນຳມາປຸງແຕ່ງຢູ່ ຫວຽດນາມ ໃນສະຕະວັດທີ່ 19. ທຳອິດເຂົ້າຈີ່ມີຮູບຍາວ ຫຼັງຈາກນັ້ນຊາວຫວຽດນາມ ໄດ້ປຸງແຕ່ງເຂົ້າຈີ່ ມີໃສ້ກິນພ້ອມດ້ວຍ. ເຂົ້າຈີ່ຫວຽດນາມເຄີຍມີໃສ້ກິນພ້ອມດ້ວຍຊີ້ນໄກ່, ຊີ້ນງົວ, ຊີ້ວໝູ, ປາເຕ, ໄຂ່ຈືນ…

ບັ້ນແຊ່ວແມ່ນອາຫານພິເສດຢູ່ ຫວຽດນາມ. ວາລະສານອັງກິດໄດ້ແນະນຳວ່າ ຄວນຊີມບັ້ນແຊ່ວຢູ່ນະຄອນໂຮ່ຈີມິນເມື່ອມາຢາມຫວຽດນາມ.

ເຂົ້າປຸ້ນຊີ້ນປິ້ງ ເຍື່ອງອາຫານນີ້ໄດ້ຮັບການຕີລາຄາສູງກ່ຽວກັບລົດຊາດສະເພາະຂອງ ຫວຽດນາມ. ພິເສດຢູ່ຮ່າໂນ້ຍ, ນີ້ແມ່ນເຍື່ອງອາຫານທີ່ແຂກທ່ອງທ່ຽວ ອາດຈະພົບເຫັນຂາຍຢູ່ທົ່ວທຸກແຫ່ງໃນນະຄອນຫຼວງ

ເຝີ ແມ່ນສັນຍາລັກຂອງອາຫານການກິນຫວຽດນາມ. ເມື່ອເວົ້າເຖິງອາຫານການກິນຫວຽດນາມ ແຂກທ່ອງທ່ຽວທັງຫຼາຍກໍ່ບໍ່ອາດພາດໂອກາດເພື່ອຮັບປະທານ ເຍື່ອງອາຫານເຝີຢູ່ ຫວຽດນາມ ເຊິ່ງອາດຈະກິນໃນທຸກໆເວລາໃນມື້. ຊາວຫວຽດນາມ ສ່ວນຫຼາຍກໍ່ເຄີຍກິນໃນຍາມເຊົ້າ

ເຂົ້າປຸ້ນປາຈືນ ມີຕົ້ນກຳເນີດຢູ່ຮ່າໂນ້ຍ, ນີ້ກໍ່ແມ່ນບັນດາເຍື່ອງອາຫານ ທີ່ມີຊື່ສຽງຢູ່ຮ່າໂນ້ຍ. ສຳລັບເຍື່ອງອາຫານນີ້, ປາຖືກຕັດຊອຍເປັນຕອນ ແລ້ວກໍ່ຈືນກັບຜັກຫອມບົວ ແລະ ກິນກັບເຂົ້າປຸ້ນ, ຜັກຫອມ, ທົ່ວດິນຈືນ ແລະ ຈ້ຳກະປິ

ກາວເລົາ ແມ່ນເຍື່ອງອາຫານທີ່ມີຊື່ສຽງຢູ່ໂຮ້ຍອານ, ແຂວງກ້ວາງນາມ. ເຍື່ອງເຍື່ອງອາຫານນີ້ຖືກເຮັດດ້ວຍຜັກງອກ, ຊີ້ນໝູ, ຂ້າງໝູ, ຜັກຫອມ, ພ້ອມດ້ວຍແກ່ງຖ້ວຍໜຶ່ງ

ໝີ່ກ໋ວາງເປັນເຍື່ອງອາຫານພິເສດຢູ່ແຂວງກ໋ວາງນາມ ແມ່ນອາຫານທົ່ວໄປຢູ່ນະຄອນທະເລດ່ານັ້ງ. ຖ້າຫາກວ່າເມື່ອກ່ອນນີ້ ໝີ່ກ໋ວາງ ມີຊີ້ນ, ມີກຸ້ງແຕ່ປັດຈຸບັນໄດ້ຖືກປຸງແຕ່ງດ້ວຍວັດຖຸດິບອື່ນໆຕື່ມອີກຄື: ກົບ, ຂາໝູ, ຊີ້ນງົວ, ຊີ້ນໄກ່…

ເຂົ້າຫັກແມ່ນ ບໍ່ພຽງແຕ່ຢູ່ນະຄອນໂຮ່ຈີມິນເທົ່ານັ້ນ, ຫາກຍັງມີຢູ່ແຫ່ງອື່ນໆໃນທົ່ວປະເທດ ຫວຽດນາມ ອີກດ້ວຍ. ເຂົ້າຫັກກິນພ້ອມກັບ ຊີ້ນ, ຂາໝູ, ປາຈືນ ຫຼື ປິ້ງປາພ້ອມກັບຜັກຫອມ ແລະ ນ້ຳຈິ້ມສົ້ມຫວານອີກດ້ວຍ.