ຮ່າໂນ້ຍ, ນະຄອນ ໂຮ່ຈີມິນ, ໂຮ້ຍອານ, ດ່ານັ້ງ, ມົກເຈົາ ແມ່ນໜຶ່ງໃນບັນດາສະຖານທີ່ທ່ອງທ່ຽວຂອງ ຫວຽດນາມ ໄດ້ຮັບລາງວັນທີ່ພິທີມອບລາງວັນຄັ້ງນີ້.

ຮ່າໂນ້ຍ

ໂດຍຜ່ານຜ່າບັນດາສະຖານທີ່ຕ່າງໆຂອງໂລກ, ນະຄອນຮ່າໂນ້ຍ ເປັນຄັ້ງທຳອິດໄດ້ເອົາຊະນະໃນກິດຈະກຳ “ສະຖານທີ່ທ່ອງທ່ຽວນະຄອນແຖວໜ້າອາຊີ 2022” - ເຊິ່ງແມ່ນກິດຈະກຳທີ່ສຳຄັນໃນລະບົບບັນດາລາງວັນແຖວໜ້າຂອງໂລກໃນຂະແໜງທ່ອງທ່ຽວ

ນະຄອນ ໂຮ່ຈີມິນ

ເຊິ່ງແມ່ນສູນການເສດຖະກິດທົ່ວປະເທດ ດ້ວຍລະບົບພື້ນຖານໂຄງລ່າງທັນສະໄໝ, ນະຄອນໂຮ່ຈີມິນແມ່ນໜຶ່ງໃນບັນດາສະຖານທີ່ທ່ອງທ່ຽວດຳເນີນທຸລະກິດແຖວໜ້າຂອງ ຫວຽດນາມ ແລະ ພາກພື້ນອາຊີ.

ໂຮ້ຍອານ

ດ້ວຍຄວາມງາມຂອງເຂດຕົວເມືອງທີ່ເກົ່າແກ່ ແລະ ງົດງາມ ທີ່ເປັນໜ້າປະທັບໃຈ, ພ້ອມກັບບັນດາກິດຈະກຳສະຖາປັດຕະຍາກຳທີ່ງົດງາມ.  ໂຮ້ຍອານ ມີບັນດາສານວັດທະນະທຳບໍ່ເປັນວັດຖຸ, ບັນດາໝູ່ບ້ານອາຊີບຫັດຖະກຳ ແລະ ບັນດາປະເພດສິລະປະພື້ນເມືອງທີ່ເປັນເອກກະລັກອັນໄດ້ສ້າງຄວາມປະທັບໃຈຢ່າງເລິກເຊິ່ງໃຫ້ແກ່ແຂກທ່ອງທ່ຽວ.

ດ່ານັ້ງ

ດ້ວຍທ່າໄດ້ປຽບທາງດ້ານທີ່ຕັ້ງພູມສາດແມ່ນປະຕູສຳຄັນຂອງພາກກາງ ຫວຽດນາມ, ແມ່ນຈຸດເຊື່ອມຕໍ່ກັບສີ່ ມໍລະດົກໂລກ ໄດ້ຮັບການຮັບຮອງຈາກ UNESSCO, ພ້ອມກັບແຫຼ່ງຊັບພະຍາກອນທີ່ອຸດົມສົມບູນທີ່ຫຼາກຫຼາຍສີສັນ ເປັນເອກະລັກ ແລະ ລະບົບພື້ນຖານໂຄງການຄົບຊຸດທັນສະໄໝ, ສະພາບແວດລ້ອມທ່ອງທ່ຽວປອດໄພ, ນະຄອນດ່ານັ້ງໄດ້ກາຍເປັນສະຖານທີ່ທ່ອງທ່ຽວທີ່ດູດດື່ມສຳລັບແຂກທ່ອງທ່ຽວ.

ມົກເຈົາ

ໂດຍຖືກຂະໜາມນາມວ່າ “ແກ້ວມານີຂຽວ” ຂອງເຂດພູຜາປ່າໄມ້ໄຕບັກ, ມົກເຈົາມີທັດສະນີຍະພາບທຳມະຊາດ ທີ່ສວຍສົດງົດງາມ, ພູຜາປ່າໄມ້ທີ່ກວ້າງໃຫຍ່ໄພສານ, ພ້ອມກັບຈຸດພົ້ນເດັ່ນແມ່ນບັນດາໂນນຊາກ້ວາງໃຫຍ່ຈົນສຸດສາຍຕາ, ບັນດາເນື້ອທີ່ປູກດອກໄມ້ສວຍສົດງົດງາມ. ມົກເຈົາເປັນຄັ້ງທຳອິດໄດ້ຮັບການເຊີດຊູແມ່ນ “ສະຖານທີ່ ທ່ອງທ່ຽວທຳມະຊາດແຖວໜ້າ ອາຊີ 2022” ຢູ່ WTAຄັ້ງທີ 29.