ເຂດປູຊະນີຍະສະຖານພໍ່ຕູ້ ຫງວຽນຊິງສັກ ໃນແຂວງ ດົ່ງທາບ

Ngoc Anh
Chia sẻ
(VOVWORLD) -ເຂດປູຊະນີຍະສະຖານພໍ່ຕູ້ ຫງວຽນຊິງສັກ ແມ່ນສະຖານທີ່ຕັ້ງສຸສານຂອງພໍ່ຕູ້ ຫງວຽນຊິງສັກ (1862 - 1929) ເຊິ່ງແມ່ນບິດາຂອງປະທານ ໂຮ່ຈີມິນ. ເຂດປູຊະນີຍະສະຖານແຫ່ງນີ້ຖືກຕັ້ງຢູ່ຖະໜົນ ຟ້າມຫິວເລົ່າ ຕາແສງ 4 ນະຄອນ ກາວແຫຼ໊ງ ແຂວງ ດົ່ງທາບ. ນີ້ແມ່ນກຸ່ມປູຊະນີຍະສະຖານທີ່ເປັນເອກະລັກ ໄດ້ຮັບການຢັ້ງຢືນແມ່ນປູຊະນີຍະສະຖານລະດັບຊາດປີ 1992
ເຂດປູຊະນີຍະສະຖານພໍ່ຕູ້ ຫງວຽນຊິງສັກ ໃນແຂວງ ດົ່ງທາບ - ảnh 1 ເຂດປູຊະນີຍະສະຖານພໍ່ຕູ້ ຫງວຽນຊິງສັກ ໃນແຂວງ ດົ່ງທາບ

ພໍ່ຕູ້ ຫງວຽນຊິງສັກ ເກີດປີ 1892 ຢູ່ບ້ານ ແຊນ ເມືອງ ນາມດ່ານ ແຂວງ ເງະອານ. ປີ 1894 ພໍ່ຕູ້ສັງໄດ້ລະດັບປະລິນຍາຕີ. ຮອດປີ 1901 ພໍ່ຕູ້ເສັງໄດ້ລະດັບປະລິນຍາໂທ. ເດືອນ ມິຖຸນາ ປີ 1906. ພາຍຫຼັງທີ່ໄດ້ປະຕິເສດຕໍ່ການຮັບຕຳແໜ່ງເປັນເຈົ້າເສນາ, ພໍ່ຕູ້ ຫວຽນຊິງສັກ ໄດ້ເດີນທາງເປັນຍັງ ເຫວ້ ເພື່ອຮັບຕຳແໜ່ງເປັນເຈົ້າເສນາອາມາດຢູ່ພະລາດຊະວັງ ເຫວ້. ຮອດປີ 1917 ພໍ່ຕູ້ ຫວຽນຊິງສັກ ໄດ້ຮັບການເຊື້ອເຊີນມາດຳລົງຊີວິດຢູ່ບ້ານ ຮວ່າອານ ນະຄອນ ກາວແຫຼ໊ງ ແຂວງ ດົ່ງທາບ, ຢູ່ທີ່ນີ້ພໍ່ຕູ້ປະກອບອາຊີບເປັນອ້າຍຄູສອນຮຽນ ແລະ ເປັນໝໍຢາປິ່ນປົວໃຫ້ແກ່ຊາວບ້ານ. ພໍ່ຕູ້ໄດ້ເຖິງແກ່ມໍລະນະກຳເມື່ອວັນທີ 26 ພະຈິກ ປີ 1929 ລວມອາຍຸ 67ປີ. ໂດຍມີຄວາມນິຍົມນັບຖືຕໍ່ນ້ຳໃຈຮັກຊາດ ຮັກແພງປະຊາຊົນ ຂອງນັກປັນຍາຊົນຜູ້ຮັກຊາດ, ພາຍຫຼັງພໍ່ຕູ້ເຖິງແກ່ມໍລະນະກຳ, ຊາວບ້ານ ຮວ່າອານ ໄດ້ປົງສົບພໍ່ຕູ້ຢູ່ທ້ອງຖິ່ນ. ພາຍຫຼັງທີ່ປະເທດຊາດ ໄດ້ໂຮມເຂົ້າກັນເປັນເອກະພາບ, ແຂວງ ດົ່ງທາບ ໄດ້ໃຫ້ກໍ່ສ້າງສຸສານຂອງເພິ່ນໃຫ້ໃຫຍ່ໂຕ ສວຍງາມ. ນາງ ຮວິ່ງຍື ຜູ້ນຳທ່ຽວຢູ່ເຂດປູຊະນີຍະສະຖານພໍ່ຕຸ້ ຫງວຽນຊິງສັກ ເລົ່າສູ່ຟັງວ່າ:

     “ເຂດປູຊະນີຍະສະຖານພໍ່ຕູ້ ຫງວຽນຊິງສັກ ໄດ້ຮັບການກໍ່ສ້າງເມື່ອປີ 1975 ແລະ ໄດ້ເປີດຕ້ອນຮັບແຂກທ່ອງທ່ຽວ ເມື່ອປີ 1977. ໃນເບື້ອງຕົ້ນ ເຂດປູຊະນີຍະສະຖານພໍ່ຕູ້ ຫວຽນຊິງສັກ ມີສາມກິດຈະກຳຄື ສຸສານຂອງພໍ່ຕູ້, ບໍລິເວນວິຫານບູຊາ ແລະ ເຂດເຮືອນຮ້ານຂອງປະທານ ໂຮ່ຈີມິນ, ຄຸ້ມບ້ານ ຮວ່າອານ. ປີ 1990 ເຂດປູຊະນີຍະສະຖານໄດ້ໃຫ້ກໍ່ສ້າງ ເຮືອນຮ້ານຂອງປະທານ ໂຮ່ຈີມິນຕື່ມອີກ ຄືດັ່ງເຮືອນຮ້ານຢູ່ນະຄອນຫຼວງ ຮ່າໂນ້ຍ. ຮອດປີ 2010 ເຂດປູຊະນີຍະສະຖານຂອງພໍ່ຕູ້ ຫງວຽນຊິງສັກ ໄດ້ຮັບການເປີດກວ້າງດ້ວຍເນື້ອທີ່ເກືອບ 9 ເຮັກຕາ”.

     ຈຸດທີ່ພົ້ນເດັ່ນຂອງ ເຂດປູຊະນີຍະສະຖານແຫ່ງນີ້ ແມ່ນສຸສານຂອງພໍ່ຕູ້ ຫງວຽນຊິງສັກ. ສຸສານຖືກຕິດກາໂຣ ຫີນກຣານິດ. ຫຼັງຄາມີມີຮູບກີບດອກບົວ, ເທິງຫຼັງຄາມີຮູບປັ້ນຫົວມັງກອນ 9 ຫົວ ເຊິ່ງເປັນສັນຍາລັກໃຫ້ແກ່ປະຊາຊົນບັນດາແຂວງ ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ທີ່ຍາມໃດກໍ່ປົກປິດ ແລະ ປົກປັກຮັກສາສຸສານຂອງນັກປັນຍາຊົນຜູ້ຮັກຊາດ. ຢູ່ໃກ້ກັບສຸສານມີສະດອກບົວຖືກກໍ່ສ້າງຕາມຮູບດາວຫ້າກີບ ເຊິ່ງເປັນສັນຍາລັກໃຫ້ແກ່ຮູບພາບປະເທດຊາດ ຫວຽດນາມ. ປ້າ ຫວຽນທູລານ ຢູ່ແຂວງ ດົ່ງທາບ ເປີດເຜີຍວ່າ:

     “ທັດຊະນີຍະພາບຢູ່ເຂດປູຊະນີຍະສະຖານແຫ່ງນີ້ແມ່ນງົດງາມ ແລະ ກວ້າງຂວາງ. ພໍ່ຕູ້ ຫງວຽນຊິງສັກ ແມ່ນບິດາຂອງປະທານ ໂຮ່ຈີມິນ. ຂ້າພະເຈົ້າມີຄວາມເປັນກຽດ ແລະ ເອກອ້າງທະນົງໃຈ ຍ້ອນວ່າໄດ້ຢູ່ແຂວງ ດົ່ງທາບ ທີ່ມີເຂດປູຊະນີຍະສະຖານພໍ່ຕູ້ ຫງວຽນຊິງສັກ”.

     ໃນຊຸມວັນບຸນໃຫຍ່ຂອງປະເທດຊາດ, ຄະນະຄຸ້ມຄອງເຂດປູຊະນີຍະສະຖານ ກໍ່ໄດ້ຈັດບັນດາການເຄື່ອນໄຫວຫຼາຍຢ່າງທີ່ມີຄວາມໝາຍຄື ການຮ່ວມຊີວິດພັກ, ງານວາງສະແດງ. ກອງປະຊຸມສຳມະນາ…  ເຂດປູຊະນີຍະສະຖານແຫ່ງນີ້ ໄດ້ຖືກວາງແຜນກຳນົດ ແມ່ນກິດຈະກຳປະຫວັດສາດ ວັດທະນະທຳ ທັງແມ່ນສະຖານທີ່ແດງ ເພື່ອສຶຶກສາອົບຮົມມູນເຊື້ອປະຕິວັດໃຫ້ແກ່ໄວໜຸ່ມ. ນາງ ຟານທິຫວູກວຽນ ຜູ້ອຳນວຍການເຂດປູຊະນີຍະສະຖານພໍ່ຕູ້ ຫງວຽນຊິງສັກ ໃຫ້ຮູ້ວ່າ:

      “ຄະນະຄຸ້ມຄອງ ເຂດປູຊະນີຍະສະຖານພໍ່ຕູ້ ຫງວຽນຊິງສັກ ໄດ້ລົງນາມກັບພະແນກສຶກສາ ແລະ ບຳລຸງສ້າງແຂວງ ດົ່ງທາບ ເພື່ອເຮັດໃຫ້ສະຖານທີ່ແຫ່ງນີ້ ກາຍເປັນບ່ອນຮ່ຳຮຽນປະຫວັດສາດຂອງທ້ອງຖິ່ນ. ຜ່ານນັ້ນ ນັກຮຽນນັກສຶກສາ ຊາວໜຸ່ມ ເຍົາວະຊົນ ມີໂອກາດໄດ້ຊອກຮູ້ປະຫວັດສາດຂອງທ້ອງຖິ່ນ ແລະ ຢູ່ແຫ່ງນີ້ ກໍ່ແມ່ນສະຖານທີ່ແດງ ເພື່ອໃຫ້ບັນດາອົງການຈັດຕັ້ງມະຫາຊົນ ດຳເນີນພິທີແຈ້ງຜົນງານ, ພິທີຮັບເຂົ້າເປັນສະມາຊິກພັກ, ສະມາຊິກຄະນະຊາວໜຸ່ມ. ໃນໄລຍະທີ່ຈະມາເຖິງ ເຂດປູຊະນີຍະສະຖານແຫ່ງນີ້ ຈະນັບມື້ສ້າງໃຫ້ສົມບູນແບບ ແລະ ຈະເພີ່ມເຕີມບາງກິດຈະກຳ ໃນນັ້ນມີການກໍ່ສ້າງຫໍວາງສະແດງກ່ຽວກັບຊີວິດ ແລະ ການເຄື່ອນໄຫວປະຕິວັດຂອງປະທານ ໂຮ່ຈີມິນ”.

      ປັດຈຸບັນ, ເຂດປູຊະນີຍະສະຖານພໍ່ຕູ້ ຫງວຽນຊິງສັກ ສາມາດຕ້ອນຮັບແຂກທ່ອງທ່ຽວທັັງຢູ່ພາຍໃນ ແລະ ຕ່າງປະເທດປະມານ  500.000 ເທື່ອຄົນ ມາຢ້ຽມຊົມທັດສະນະສຶກສາ. ໃນໂອກາດວັນໄຫວ້ບູຊາຂອງພໍ່ຕູ້ ຫວຽນຊິງສັກ ກໍ່ໄດ້ມີແຂກນັບໝື່ນເທື່ອຄົນຈາກສາລະທິດມາໄຫວ້ບູຊາ ແລະ ຢ້ຽມຊົມສຸສານຂອງພໍ່ຕູ້. ປັດຈຸບັນພິທີໄຫວ້ບູຊາຂອງພໍ່ຕູ້ໄດ້ຖືກຍົກລະດັບເປັນງານບຸນລະດັບແຂວງ ດົ່ງທາບ ຖືກຈັດຂຶ້ນໃນ 4 ວັນແຕ່ທີ 24 ຫາວັນທີ 27 ເດືອນ 10 ໄລ່ຕາມຈັນທະປະຕິທິນ.

ຕອບກັບ