ອັດ​ກອງ​ປະ​ຊຸມ​ສຳ​ມະ​ນາ​ສາ​ກົນ​ກ່ຽວ​ກັບ​ທ​ະ​ເລ​ຕາ​ເວັນ​ອອກ​ຄັ້ງ​ທີ 11

Chia sẻ
(VOVWORLD) -  ຕອນບ່າຍວັນທີ 7 ພະຈິກ, ຢູ່ຮ່າໂນ້ຍ ກອງປະຊຸມສຳມະນາສາກົນ ຄັ້ງທີ 11 ກ່ຽວກັບທະເລຕາເວັນອອກດ້ວຍຫົວຂໍ້ “ທະເລຕາເວັນອອກ: ຮ່ວມມືເພື່ອສັນຕິພາບ ແລະ ພັດທະນາພາກພື້ນ” ໂດຍສະຖາບັນການຕ່າງປະເທດ (DAV), ກອງທຶນໜູນຊ່ວຍຄົ້ນຄ້ວາທະເລຕາເວັນອອກ (FESS) ແລະ ສະມາຄົມທະນາຍຄວາມ ຫວຽດນາມ (VLA) ຈັດຕັ້ງຂຶ້ນນັ້ນໄດ້ສິ້ນສຸດລົງຢ່າງຈົບງາມ.
ອັດ​ກອງ​ປະ​ຊຸມ​ສຳ​ມະ​ນາ​ສາ​ກົນ​ກ່ຽວ​ກັບ​ທ​ະ​ເລ​ຕາ​ເວັນ​ອອກ​ຄັ້ງ​ທີ 11 - ảnh 1ກອງປະຊຸມສຳມະນາ ໃນຕອນເຊົ້າວັນທີ 6 ພະຈິກ (ພາບ: TTXVN) 

ໃນການເຮັດວຽກມາເປັນເວລາ 2 ວັນນັ້ນ, ມີບົດກ່າວປາໄສຫຼາຍບົດໄດ້ນຳສະເໜີ, ປຶກສາຫາລື, ແລກປ່ຽນ, ໃນນັ້ນໄດ້ເຕື້ອງເຖິງໂດຍກົງກ່ຽວກັບບັນດາບັນຫາເຄັ່ງຮ້ອນຢູ່ທະເລຕາເວັນອອກໃນປັດຈຸບັນ ແລະ ໄດ້ວາງອອກບັນດາຂໍ້ສະເໜີແນະຢ່າງແທດຈິງ.

        ບັນດານັກບັນລະຍາຍ ໄດ້ຕີລາຄາສະພາບການຕົວຈິງຢູ່ທະເລຕາເວັນອອກໃນໄລຍະທີ່ຜ່ານມາ, ຜ່ານນັ້ນໄດ້ສະເໜີໃຫ້ບັນດາວິທີການແກ້ໄຂກ່ຽວກັບການສ້າງຄວາມໄວ້ເນື້ອເຊື່ອໃຈ, ຄວບຄຸມ ແລະ ແກ້ໄຂການຂັດແຍ່ງເພື່ອຮັກສາສັນຕິພາບ, ສະຖຽນສະພາບຢູ່ທະເລຕາເວັນອອກ ເທື່ອລະກ້າວ. ມີຫຼາຍຄຳຄິດເຫັນໄດ້ສະແດງຄວາມວິຕົກກັງວົນກ່ຽວກັບການເປີດກ້ວາງການຜັນຂະຫຍາຍບັນດາຮາກຖານນຳໃຊ້ປະໂຫຍດສອງຢ່າງ ໃນນາມກິດຈະກຳກໍ່ສ້າງພົນລະເຮືອນຢູ່ທະເລຕາເວັນອອກ. ຄຽງຄູ່ກັນນັ້ນ, ການແກ້ງແຍ້ງຊັບພະຍາກອນທຳມະຊາດ ຢູ່ທະເລ,ຄືອູ່ປາ ແລະ ການຂຸດຄົ້ນຊັບພະຍາກອນນ້ຳມັນອາຍແກັດ ແມ່ນໜຶ່ງໃນບັນດາປັດໄຈກໍ່ຄວາມຂາດສະຖຽນລະພາບ ແລະ ສ້າງຜົນສະທ້ອນເຖິງຄວາມເປັນລະບຽບຮຽບຮ້ອຍໃນພາກພື້ນ.

ຕອບກັບ