ទីក្រុង Hoi An ជាប់ក្នុងបញ្ជីទីក្រុងល្អបំផុតទាំង ២៥ នៅលើពិភពលោកឆ្នាំ ២០២២

កាលពីថ្ងៃទី ១៥ ខែកក្កដា ទស្សនាវដ្ដីទេសចរណ៍ដ៏ល្បីល្បាញ Travel & Leisure របស់អាមេរិកបានប្រកាសថា Hoi An គឺជាទីក្រុងតែមួយគត់របស់វៀតណាមដែលស្ថិតនៅក្នុង បញ្ជីទីក្រុងល្អបំផុត លើពិភពលោកក្នុងឆ្នាំ ២០២២។

តាមនោះ ទីក្រុង Hoi An ជាប់ចំណាត់ថ្នាក់ទី ២០ ក្នុងបញ្ជីទីក្រុងទាំង ២៥ ដែលត្រូវបានភ្ញៀវទេសចរបោះឆ្នោតជ្រើសរើសច្រើនជាងគេបំផុត។

ទីក្រុង Hoi An ជាប់ក្នុងបញ្ជីទីក្រុងល្អបំផុតទាំង ២៥ នៅលើពិភពលោកឆ្នាំ ២០២២ - ảnh 1

ទិដ្ឋភាពទីក្រុង Hoi An មើលពីលើ។ រូបថត៖ Minh Hai។

នេះគឺជាព្រឹត្តិការណ៍មួយក្នុងក្របខណ្ឌនៃពានរង្វាន់ World’s Best Awards ដែលធ្វើឡើងជារៀងរាល់ឆ្នាំដោយផ្អែកលើការបោះឆ្នោតរបស់អ្នកអានរាប់សែននាក់ដែលជាភ្ញៀវទេសចរជុំវិញពិភពលោក។

ទីក្រុងល្អបំផុតទាំង ២៥ ត្រូវបានកំណត់ដោយផ្អែកលើលក្ខណៈវិនិច្ឆ័យដូចជា៖ សណ្ឋាគារ ភោជនីយដ្ឋាន បេតិកភណ្ឌវប្បធម៌ដ៏សម្បូរបែប កន្លែងទស្សនាគួរឲ្យទាក់ទាញ ភាពរួសរាយរាក់ទាក់បដិសណ្ឋារកិច្ច ម្ហូបអាហារ ក៏ដូចជាវិធីបង្ការទប់ស្កាត់ជំងឺកូវីដ-១៩ សេវាកម្មទិញទំនិញ ក៏ដូចជាតម្លៃរួម ជាដើម។

ក្នុងឆ្នាំ ២០១៩ Travel & Leisure ធ្លាប់បានបោះឆ្នោតជ្រើសរើស Hoi An ជាគោលដៅមួយក្នុងចំណោមគោលដៅល្អបំផុតនៅលើពិភពលោក។

ទីក្រុង Hoi An ជាប់ក្នុងបញ្ជីទីក្រុងល្អបំផុតទាំង ២៥ នៅលើពិភពលោកឆ្នាំ ២០២២ - ảnh 2

ត្រូវបានបង្កើតឡើងនិងអភិវឌ្ឍន៍តាំងពីសតវត្សទី ១៦ មក Hoi An - ទីក្រុងបុរាណដែលស្ថិតនៅតាមមាត់ទន្លេ Hoai ជាទីមនោរម នៅតំបន់ទំនាបមាត់សមុទ្រនៃខេត្ត Quang Nam ធ្លាប់ជាកំពង់ផែពាណិជ្ជកម្មអន្តរជាតិដ៏ស្តុកស្តម្ភបំផុតនៅក្នុងតំបន់។ រូបថត៖ Minh Hai

ទីក្រុង Hoi An ជាប់ក្នុងបញ្ជីទីក្រុងល្អបំផុតទាំង ២៥ នៅលើពិភពលោកឆ្នាំ ២០២២ - ảnh 3

ទីក្រុងបុរាណ Hoi An មានប្រព័ន្ធកេរ្តិ៍ដំណែលចំនួន ១៣៦០ រួមទាំងផ្ទះបុរាណចំនួន ១០៦៨ខ្នង អណ្តូងបុរាណចំនួន ១១ ព្រះវិហារត្រកូលចំនួន ៣៨ វត្តចំនួន ១៩ ទីសក្ការៈបូជាព្រះអាទិទេពចំនួន ៤៣ សាលាភូមិចំនួន ២៣ ផ្នូរបុរាណចំនួន ៤៤ និងស្ពានបុរាណ ១។ រូបថត៖ Minh Hai។