ក្នុងឈុតសំលៀកបំពាក់នារីជនជាតិ Thai កន្សែង Pieu គឺជារបស់របរដែលមិនអាចខ្វះបាន ដែលត្រូវបានប្រើក្នុងជីវភាពប្រចាំថ្ងៃ។ លើសពីនេះទៅទៀតវាក៏ជាចំណុចលេចធ្លោមួយដើម្បី លើកស្ទួយសម្រស់របស់នារីជនជាតិ Thai។ នៅពេលទៅព្រៃនិងធ្វើស្រែចំការ ស្ត្រីជនជាតិថៃក៏ប្រើកន្សែង Pieu ដើម្បីការពារសក់ ហើយជួយសម្រួលដល់ការធ្វើស្រែចចំការផងដែរ។ នៅពេលស្លៀកសំលៀកបំពាក់បែបបុរាណស្ត្រីជនជាតិ Thai តែងតែពាក់កន្សែង Pieu ដើម្បីបង្កើនភាពស្រស់ស្អាត។ កន្សែង Pieu ត្រូវបានស្ត្រីជនជាតិ Thai ត្បាញ។ កន្សែង Pieu ត្រូវបានជ្រលក់ជាមួយពណ៌ធ្លះ។ អំបោសសម្រាប់ប៉ាក់កន្សែង Pieu គឺជាអំបោសសូត្រ ដែលត្រូវបានជ្រលក់ពណ៌ខៀវក្រហមស្វាយលឿង។ ក្បូរក្បាច់នៅលើកន្សែង Pieu ត្រូវបានគេប៉ាក់យ៉ាងប៉ិនប្រសប់។ ពណ៌នៅលើកន្សែង Pieu ជានិមិត្តរូបនៃភាពស្មោះត្រង់រវាងភរិយានិងស្វាមីផងដែរ។ នៅពេលស្ត្រីជនជាតិ Thai រៀបការនោះ ជាធម្មតា នាងត្រូវរៀបចំកន្សែង Pieu ប្រមាណ ២០-៣០ ដើម្បីជូនសាច់ញាតិខាងប្ដីរបស់នាង។ កន្សែង Pieu នីមួយៗអាចត្រូវបានគេចាត់ទុកថាជារឿងរ៉ាវមួយ ដែលបានបង្ហាញតាមរយៈក្បូរក្បាច់ និងពណ៌ដើម្បីបង្ហាញពីអារម្មណ៍និងបុគ្គលិកលក្ខណៈរបស់ស្ត្រីគ្រប់រូប។ កន្សែង Pieu របស់ជនជាតិ Thai ខ្មៅនិងសក៏មានភាពខុសគ្នាដែរ។ជនជាតិ Thai ខ្មៅ បានប៉ាក់កន្សែង Pieu មិនសូវល្អិតល្អន់ឡើយ។ ក្នុងពិធីបុណ្យសពរបស់ក្រុមជនជាតិ Thai ត្រូវមានកន្សែង Pieu ពី ៤ ដល់ ៨ ដើម្បីគោរពបូជាដល់មនុស្សដែលលាចាកលោកហើយ។ លើសពីនេះទៅទៀត កន្សែង Pieu ក៏ត្រូវបានប្រើសម្រាប់សម្តែងសិល្បៈផងដែរ ជាពិសេសគឺសម្រាប់ពិធីបុណ្យទាននានា។ សង្គមកំពុងតែរីកចម្រើន ដោយមានសំលៀកបំពាក់បែបទំនើបប្លែកៗ ដែលជះឥទ្ធិពលយ៉ាងខ្លាំងដល់ការថែរក្សានិងអភិរក្សសម្លៀកបំពាក់ប្រពៃណីរបស់ជនជាតិ Thai។ប៉ុន្តែកន្សែង Pieu នៅតែជារបស់ដែលមិនអាចខ្វះបាននៅក្នុងជីវិតខាងវិញ្ញាណរបស់ប្រជាជនThai ផងដែរ។ Từ khóa: VOV VOVworld ប្រតិកម្មទៅវិញ ផ្ញើទៅ Xem thêm