 ທ່ານປະທານາທິບໍດີອິນໂດເນເຊຍ Joko Widodo |
ກ່່າວຄໍາເຫັນໃນວັນທີ 14 ກໍລະກົດ ຕໍ່ໜ້າຜູ້ສະໜັບສະໜູນນັບພັດນຄົນຢູ່ນະຄອນຫຼວງ Jakarta, ທ່ານປະທານາທິບໍດີອິນໂດເນເຊຍ Joko Widodo ທີ່ໄດ້ຮັບການເລືອກຕັ້ງເປັນປະທານາທິບໍດີອີກສະໄໝໜຶ່ງ ໃຫ້ຄໍາໝັ້ນສັນຍາວ່າ ໃນອາຍຸການທີສອງນີ້, ລັດຖະບານຂອງທ່ານ ຈະເອົາໃຈໃສ່ເຖິງການພັດທະນາພື້ນຖານໂຄງລ່າງ, ໂຄງການດໍາເນີນງານຕົ້ນຕໍໃນອາຍຸການທໍາອິດ ໃຫ້ຫຼາຍກວ່າອີກ, ເພີ່ມທະວີການຜັນຂະຫຍາຍບັນດາໂຄງການເຊື່ອມຕໍ່ບັນດາທ່າກໍ່າປັ່່ນ ແລະ ສະໜາມບິນໃນທົ່ວປະເທດ ກາຍເປັນສູນກະສິກໍາ ແລະ ທ່ອງທ່ຽວ. ລັດຖະບານ ກໍຍັງຈະເອົາໃຈໃສ່ເຖິງການປັບປຸງຄຸນນະພາບແຫຼ່ງຊັບພະຍາກອນມະນຸດອີກດ້ວຍ.
ການນໍາອິນໂດເນເຊຍ ກໍໃຫ້ຄໍາໝັ້ນສັນຍາວ່າ ຈະສົ່ງເສີມ ແລະ ສ້າງເງື່ອນໄຂສະດວກ ເຊື້ອເຊີນ, ຮຽກຮ້ອງບັນດານັກລົງທຶນພາຍໃນ ແລະ ຕ່າງປະເທດ ເຂົ້າມາລົງທຶນຢູ່ ອິນໂດເນເຊຍ.
ປັດຈຸບັນ ອິນໂດເນເຊຍ ພວມມານະພະຍາຍາມຍູ້ແຮງລະດັບເຕີບໂຕເສດຖະກິດໃຫ້ສູງກວ່າ ເມື່ອທຽບໃສ່ລະດັບເຕີບໂຕສະເລ່ຍ 5% ໃນຊຸມປີມໍ່ໆມານີ້.