ທ່ານ ເຊີນມິງທັ໊ງ, ເລຂາຄະນະພັກກຸ່ມບັນດາອົງການສູນກາງ (ພາບ: TTXVN)

        ບົດປະກອບຄຳເຫັນຂອງບັນດາຜູ້ແທນທີ່ກອງປະຊຸມສຳມະນາ ໄດ້ຍົກອອກ ແລະ ເຮັດແຈ້ງບັນດາຖ້ອຍຄຳໃນພິໄນກຳຂອງປະທານ ໂຮ່ຈີມິນ ກ່ຽວກັບຄຸນສົມບັດຄວາມເມດຕາປານີ, ແບບແຜນການດຳລົງຊີວິດທີ່ລຽບງ່າຍ, ຈິດໃຈເປັນແບບຢ່າງຂອງເພິ່ນ ກ່ຽວກັບການກໍ່ສ້າງພັກ ແລະ ລະບົບການເມືອງ, ກ່ຽວກັບບົດບາດ ແລະ ຄຸນຄ່າພຶດຕິກຳຕົວຈິງໃນການເປັນແບບຢ່າງສຳລັບພະນັກງານ, ສະມາຊິກພັກ, ເປັນຕົ້ນແມ່ນຜູ້ນຳໜ້າຄະນະພັກຂອງບັນດາອົງການ, ຫົວໜ່ວຍ. ທ່ານສາດສະດາຈານ, ປະລິນຍາເອກ ຮ່ວາງຈີ໊ບ໋າວ, ອະດີດກຳມະການສະພາທິດສະດີສູນກາງ ຢືນຢັນວ່າ:

        ຄວາມສະຫງຽມຄ່ຽມຄົມ, ຊື່ຕົງບໍລິສຸດ, ຄວາມລຽບງ່າຍ, ຄວາມເມດຕາປານີ ແລະ ຄວາມໂອບອ້ອມອາລີຂອງປະທານ ໂຮ່ຈີມິນ ນັ້ນແມ່ນລະບົບຄຸນຄ່າ ເຊິ່ງພວກເຮົາຄວນມີຄວາມຮັບຮູ້ ແລະ ສືບຕາມເພື່ອປະຕິບັດເຂົ້າໃນການດຳລົງຊີວິດ. ເພິ່ນໄດ້ຕັກເຕືອນ ພະນັກງານ, ສະມາຊິກພັກວ່າ ແມ່ນການຕຳໜິຕິຊົມວຽກງານ ບໍ່ແມ່ນຕຳໜິຕິຊົມຄົນ, ໝາຍຄວາມວ່າ ເພິ່ນມີຄວາມເຄົາລົບທີ່ສຸດຕໍ່ຄວາມເປັນມະນຸດຂອງແຕ່ລະຄົນ.

        ກໍ່ມີທັດສະນະດຽວກັນ, ທ່ານ ເຊີນມິງທັ໊ງ, ເລຂາຄະນະພັກກຸ່ມບັນດາອົງການສູນກາງ ຖືວ່າ: ຄວນເຮັດໃຫ້ການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະຕິວັດຂອງປະທານ ໂຮ່ຈີມິນ ກາຍເປັນຄວາມຕ້ອງການດ້ານວັດທະນະທຳ, ຄວາມຕື່ນຕົວ, ກາຍເປັນກຳລັງໜູນໃນການບຳເພັນ, ຝຶກຝົນຫຼໍ່ຫຼອມຂອງພະນັກງານ, ສະມາຊິກພັກ ແລະ ປະຊາຊົນແຕ່ລະຄົນ.